Darius Milhaud

Darius Milhaud (Aix-en-Provence, 1892ko irailaren 4a - Geneva, 1974ko ekainaren 22a) frantses musikagilea izan zen. XX. mendeko frantses musikagile aipagarrienetako bat da, Seiak izeneko frantses musikagile gazteen taldekoa. Politonalitatea landu zuelako da batez ere ezaguna; bestalde, Brasilgo musikaren eta jazz-aren elementuak bateratu ditu bere obran. Parisko kontserbatorioan egin zituen ikasketak Paul Dukas eta Vincent d´Indy-rekin. 1940. urtean Oaklandeko Mills Collegeko irakaslea izan zen eta 1947tik aurrera Parisko kontserbatoriokoa. Laurehun lan baino gehiago utzi zituen, irratirako eta filmetarako idatzi zituenak barne. Lan nagusiak ditu: ''Les malheurs d´ Orphée ''(1924, ''Orfeoren zoritxarra''), ''Le pauvre matelot'' (1926, ''Marinel gizarajoa'', Cocteauren libretoa), ''Christophe Colomb'' (1928, ''Claudelen libretoa'') eta ''Bolívar'' (1935-36) operak; pianorako ''Saudades do Brazil'' (1920-21), ''Estudioak'' (1923) eta ''Automne'' (1932, ''Udazkena''); orkestrarako sonata eta sinfonia ugari idatzi zituen. Ballet aipagarria du ''La création du monde'' (1923, ''Munduaren sorkuntza''). Azken lanak: ''Bakea lurrean ''(1963) oratorioa, ''San Luis Frantziako Errege'' (1970) eta ''Egiptoko momiak'' (1972).

Maria Teresa Prieto konposagileak (1896-1982) berarekin ikasi zuen Californian. Wikipediatik informazioa lortu